Independ.kz ورتالىعىندا «ازاماتتىق باستامالار ورتالىعى» قوعامدىق بىرلەستىگىنىڭ بريفينگى ءوتتى.

ماقسات –  جالپىحالىقتىق داۋىس بەرۋ راسىمىنە ازاماتتىق باقىلاۋدى كەڭىنەن قامتاماسىز ەتۋ جانە الداعى رەفەرەندۋم راسىمدەرىنىڭ ادىلدىگى مەن ادالدىعىنا كەپىلدىك بەرۋ ماسەلەسىن تالقىلاۋ.

قوعامدىق بىرلەستىكتىڭ وكىلدەرى رەفەرەندۋمعا مونيتورينگ جۇرگىزەتىن شتاب قۇرعاندىعىن حابارلادى. شتابتىڭ الداعى قىزمەتى تۋرالى ونىڭ جەتەكشىسى بوتاگوز قۇدىشيەۆا، اۋەزوۆ اۋدانىنىڭ ۇيلەستىرۋشىسى جاننا مۇقاتايەۆا، المالى اۋدانىنىڭ ۇيلەستىرۋشىسى جاسۇلان تاجىبايەۆ ايتىپ بەردى.

بوتاگوز قۇدىشيەۆا رەفەرەندۋم حالىق پىكىرىن بىلدىرەتىن مۇمكىندىك بولعاندىقتان، مۇنداي شارانى «ازاماتتىق باستامالار ورتالىعى» قوعامدىق بىرلەستىگى  قولدايتىنىن مالىمدەدى. ونىڭ ايتۋىنشا، ەلىمىزدىڭ ءاربىر ازاماتى بۇگىندە جاڭا قازاقستان يدەياسىن تەڭ مۇمكىندىكتەر كەلبەتى، الەۋمەتتىك ادىلەتتىلىك جانە ءاربىر ادامنىڭ ءال-اۋقاتىنىڭ وسۋىنە جاسالعان قادام رەتىندە قابىلدايدى جانە ودان شابىت الادى. قوعامدىق بىرلەستىك بەلسەندىلەرىنىڭ اتىنان بوتاگوز كۇدىشيەۆا جاڭا قازاقستاندا مەملەكەتتىك ەمەس ۇيىمدار ماڭىزدى ءرول اتقاراتىنىنا سەنىم ءبىلدىردى.

جاننا مۇقاتايەۆا ءوز كەزەگىندە قوعامدىق بىرلەستىك ەرىكتىلەرى ءارقاشان ەلىمىزدەگى قوعامدىق وزگەرىستەردىڭ باسى-قاسىندا جۇرەتىندىگىن جانە مەملەكەتتىك قۇرىلىمداردىڭ جۇمىسىنا مونيتورينگ جۇرگىزەتىندىگىن ايتتى. سونداي-اق، 4-6 ماۋسىم ارالىعىندا ماركوۆ كوشەسى مەن عابدۋللين كوشەسىنىڭ قيىلىسىندا ورنالاسقان عيماراتتىڭ 4-قاباتىندا (كوكتەم شاعىن اۋدانى) ۇيىمنىڭ شتابى جۇمىس ىستەيتىنىن حابارلادى.

«ازاماتتىق باستامالار ورتالىعى» قوعامدىق بىرلەستىگى اتىنان كەزدەسۋدى تۇيىندەگەن جاسۇلان تاجىبايەۆ بارلىق ازاماتتاردى رەفەرەندۋمدا داۋىس بەرۋگە، سول ارقىلى جاڭا قازاقستاندى قۇرۋعا ءوز ۇلەستەرىن قوسۋعا شاقىردى.

الماتى قالاسى اكىمىنىڭ باسپا ءسوز قىزمەتى